一年容易又花展2014

         一年容易又花展這個標題，在也苦Blog的時代已經用過幾次。每年的印象是一年不如一年，但一年來到又自自然然俾錢入場(因未到60嘛，否則免費入場)。就好像女人一樣，雖然每次都俾負心人呃，但總又一次又一次原諒他，希望有浪子回頭的一日。

        總結以往的經驗，鏡頭一枝起兩枝止就好了，今次出動Sigma 70-300mm f4-5.6 DG OS及手動Vivitar 100mm Macro f3.5。當然仲有用來試機用的Sigma 19mm f2.8 DN Art。用D700的是由Raw直出JPG，而A7R的就咁由相機JPG直出算了。這是因為我的習慣，唔鍾意修圖。影已經浪費好多時間，仲走去用Photoshop或Lightroom去搞真係浪費青春。

先來 Vivitar 100mm Macro f3.5

以下幾張用 Sigma 19mm f2.8 DN Art，轉換後為28mm

以下用 Sigma 70-300mm f4-5.6 DG OS，買佢時貪佢有OS 防震。

 在花展用長鏡影人都係一種樂趣。

 靚既野唔怕影多張。 :)

近來陰天，有小雨影響左照片都係反差平淡及晦晦暗暗。如果呢幾日天氣唔好轉， 相信唔會再入場。記望明年主辦者有D新意啦。

腳架

其實自己很少帶腳架出街，因為最輕的腳架都會有重量。D700加手柄已經似舊石頭，再加上腳架，一枝Sigma 24-70 f2.8是比較重身的鏡，帶齊出街真係想租隻駱駝。可能受到了Blog友入手新腳架的影響，鬼鬼迷迷又走去買枝，因為迷信碳素纖維會很輕的謬誤。至於受邊位影響？請自己對號入座。 ^_^

今天多了一位新成員，"輕裝時代" 碳素纖維腳架。在淘寶買598人仔，折合7百幾蚊港紙。

其實自已廿七年前(1987)已有一枝德制 Cullmann Magic 2 ，舊年換上了新BEIKE 波頭，以為頂得兩咀。但在一次西九影日落及夜景時，就領略到果句粵語流行曲"身如柳絮隨風擺"。

它失敗之處在於3個支撐環不是堅實的合金，而是疑似塑膠。與腳架的連接位在受大力壓時是會如鑊咁呈現小小彎曲，而向外橕大左。但也不能怪它，畢竟它是設計給菲林相機用的，比起現時的單反加手柄真是蚊脾同牛脾。

呢個標準型既波頭同我上年買既外型相差無幾。

後來在網上扒文，原來BEIKE亦是生產"輕裝時代"的同一間廠的產品。~ 暈 ~ @@

收納起來新比舊短了一個波頭的長度。

 御下波頭用食用磅去磅一磅。。。。Cullmann 1128g

 輕裝時代 1006g

腳架淨重差122g 波頭差20g 加埋只輕了142g。比做一個麵包150g麵粉還要輕，用7百幾蚊換來的就是那麼卑微。雖然新的腳架會穩陣多少，但總感到付出的比回報少哦。
"原來最好的已經在你手中"，一句老生常談的說話。如果不是追求那些少的穩固，真的不用換腳架啊~ 笨 ))))))))))))))))))))))))))))))))))