花展2014微距篇

        Vivitar 100mm f/3.5 macro已經是第三年用了，前兩年都是用在m4/3的GF1上，由於焦距轉換關係成了一枝200mm的鏡。過往兩年因為GF1的senior細，ISO調到800已經唔見得人，加上每年3月多數是天陰。所以提升唔到快門速度的話，就要靠運氣了。而且人懶及自負通常都唔帶腳架。因此影得成功及失敗比率大概是7/3之分。
       今年由新力軍A7R頂上，由於它可以用快門先決將速度固定在1/200，所以拍出來的微距照片成功率提升到9/1之比。你可能會問快門先決有什麼特別？為什麼以前用唔到？原因我是用轉接環將老鏡安在相機上，沒有自動功能，因此通常都是用光圈先決，快門及ISO就由相機決定。如果用快門先決，快門及光圈都是人手決定，因此相機就會以ISO來作為曝光唯一的計算，當光源不夠時就會拚命的將ISO向上推了，得出的結果會強差人意。
        昨日也將Vivitar Macro跟來的 1:1 macro adaptor 用上，使微距比率由可無限遠對焦的1:2 變成了沒有無限遠對焦的1:1。沒有辦法啦，如果學兩位女blog友都入手左Tamron 90mm macro鏡就唔受呢個限制。
       一如既往唔帶腳架及手動對焦。

由於沒有在拍攝前用氣泵吹一吹枝鏡，所以有些照片是一小點，光圈越細越明顯。幸好檢查過唔係senior有塵，只係濾鏡表面有。

一年容易又花展2014

         一年容易又花展這個標題，在也苦Blog的時代已經用過幾次。每年的印象是一年不如一年，但一年來到又自自然然俾錢入場(因未到60嘛，否則免費入場)。就好像女人一樣，雖然每次都俾負心人呃，但總又一次又一次原諒他，希望有浪子回頭的一日。

        總結以往的經驗，鏡頭一枝起兩枝止就好了，今次出動Sigma 70-300mm f4-5.6 DG OS及手動Vivitar 100mm Macro f3.5。當然仲有用來試機用的Sigma 19mm f2.8 DN Art。用D700的是由Raw直出JPG，而A7R的就咁由相機JPG直出算了。這是因為我的習慣，唔鍾意修圖。影已經浪費好多時間，仲走去用Photoshop或Lightroom去搞真係浪費青春。

先來 Vivitar 100mm Macro f3.5

以下幾張用 Sigma 19mm f2.8 DN Art，轉換後為28mm

以下用 Sigma 70-300mm f4-5.6 DG OS，買佢時貪佢有OS 防震。

 在花展用長鏡影人都係一種樂趣。

 靚既野唔怕影多張。 :)

近來陰天，有小雨影響左照片都係反差平淡及晦晦暗暗。如果呢幾日天氣唔好轉， 相信唔會再入場。記望明年主辦者有D新意啦。